Саудия Арабистони ҳукумати бин Лодиннинг ўғлини фуқароликдан маҳрум қилди

Саудия Арабистони қироли Салмон бин Абдулазиз Ол Сауд “Ал-Қоида” террорчилик гуруҳи етакчиси, 2011 йилда ўлдирилган Усама бин Лодиннинг ўғли Ҳамза бин Лодинни қироллик фуқаролигидан маҳрум қилиш ҳақидаги фармонни эълон қилди. Бу ҳақда ички ишлар вазирлиги буйруғига иқтибос келтирган ҳолда “Умм ал-қура” нашри маълум қилди. 

28 февралда АҚШ давлат департаменти Ҳамза бин Лодин қаерда эканлиги ҳақидаги ахборот учун миллион доллар мукофот пули таклиф қилди. Давлат департаментининг фикрича, бин Лодиннинг ўғли “Ал-Қоида” етакчиларидан бири ҳисобланади.