АҚШнинг энг қурғоқчил жойида катта кўл топилди (видео)
Калифорниядаги ўзининг экстремал об-ҳаво шароитлари билан маълум бўлган Ўлим водийсида фотосуратчи Эллиот Макгакен кутилмаган кашфиёт қилди. У Бэдуотер чуқурлигида хариталарда аввал бўлмаган катта кўлни аниқлаган. Макгакен ўзи олган суратларни маҳаллий боғ вакилларига кўрсатганда, улар кўлнинг узунлиги 16 кмни ташкил қилишини ўрнатишган.
Аниқланишича, кучли ёмғирлардан кейин тўлиб-тошган ирмоқлар чуқурликка катта миқдорда сув олиб келган. Қишки мавсум охирида бу ерда бундай ҳодисалар кўплаб учрайди. Чўл шароитида сув ер остига кетмай, сиртда қолади, бу эса тошқинларга олиб келади. Бироқ бу сафар кўл ўзининг ўлчамлари билан ҳайратлантирган. Миллий боғ вакили Патрик Тейлор 6 йиллик фаолияти давомида бу ерда бунга ўхшаш ҳодисани кўрмаганини тан олган.
Метеоролог Крис Дольченинг айтишича, 5 ва 6 март кунлари водийга 2,21 см ёғингарчилик тушган, бу эса март ойи учун ўртача кўрсаткичдан (0,76 см) 3 марта кўпроқ ва йиллик ўртача ёғингарчиликнинг (6 см) 3 дан бир қисмидан кўпроқни ташкил қилган.
Фотосуратчи кўлнинг суратлари ва видеоси билан ижтимоий тармоқларда бўлишган.
Мавзуга оид
23:13 / 21.09.2024
Ҳаррис сайлов кампаниясида Трампдан уч баробар кўп маблағ тўплади — ОАВ
20:40 / 21.09.2024
Шимолий Кореяга қочиб ўтган америкалик аскар шармандаларча армиядан ҳайдалгани маълум бўлди
17:10 / 21.09.2024
АҚШда “полициячи” робот жиноятчини тутиб берди
16:27 / 21.09.2024