АПЛда март ойининг энг яхши футболчиси аниқланди

«Ливерпуль» ҳужумчиси Садио Мане Англия Премьер-Лигасида март ойининг энг яхши футболчиси деб топилди.

26 ёшли сенегаллик мерсисайдликлар таркибида 4та ўйинда майдонга тушиб, 3та гол урди ва 1та голли узатмани амалга оширди.

Мане соврин учун курашда Шеймус Коулман («Эвертон»), Эндрю Робертсон («Ливерпуль»), Бернарду Силва («Манчестер Сити»), Жейми Варди («Лестер») ва Жеймс Уорд-Проузни («Саутҳемптон») ортда қолдиришга муваффақ бўлди. 

Қайд қилиш жоизки, аввалроқ «Ливерпуль» устози Юрген Клопп АПЛда март ойининг энг яхши мураббийи деб топилган эди.