Андижонда ўқитувчиларни мажбурий меҳнатга жалб қилган директор жаримага тортилди
Мактаб ўқитувчилари ва ўқувчиларини мажбурий меҳнатга жалб қилган директор маъмурий жавобгарликка тортилди. Бу ҳақда Ўзбекистон Республикаси Бандлик ва меҳнат муносабатлари вазирлиги хабар бермоқда.
Қайд этилишича, Андижон вилояти Избоскан туманидаги 7-сонли мактаб ўқитувчилари ва ўқувчиларининг мажбурий меҳнатга жалб қилинганлиги ҳолати Давлат меҳнат инспекцияси томонидан текширилган.
Давлат меҳнат инспекцияси томонидан ўтказилган текширув натижаларига кўра мажбурий меҳнат ҳолати тасдиқланган.
Андижон вилояти Избоскан тумани 7-сонли мактаб директори А.У. Маъмурий жавобгарлик тўғрисидаги Кодекснинг 51-моддаси бўйича маъмурий жавобгарликка ва ЭКОИҲнинг 3 баробари миқдорида жаримага тортилган.
«Агар мажбурий меҳнат ҳолатларига дуч келсангиз, 71-200-06-00 телефон рақамлари ёки @mehnathuquqbot телеграм боти орқали бизларга хабар беринг», - дейилади хабарда.
Маълумот учун: МЖтК, 51-модда. Меҳнатга маъмурий тарзда мажбурлов. Қонунда назарда тутилган ҳолларни истисно этганда, меҳнатга бирон бир шаклда маъмурий тарзда мажбурлаш — энг кам иш ҳақининг бир бараваридан уч бараваригача миқдорда жарима солишга сабаб бўлади.
Мавзуга оид
17:08 / 10.09.2024
Ўқитувчиларни овоз йиғишга мажбурлаган мактаб директори 34 млн сўм жаримага тортилди
21:59 / 27.08.2024
«Ташаббусли бюджет»да овоз йиғишга мажбурлаш ҳолатлари юзасидан 39 та шикоят тушди
15:20 / 26.08.2024
Бухорода мактаб ўқитувчилари “Ташаббусли бюджет”га овоз йиғишга мажбурланяпти
23:30 / 14.08.2024