Ўзбекистонда йил бошидан буён биринчи марта дефляция қайд этилди
2019 йилнинг июнь ойида истеъмол бозорида умумий нархлар даражасининг пасайиши кузатилиб, ой давомидаги дефляция кўрсаткичи 0,5%ни ташкил қилди. Бундан Давлат статистика қўмитаси маълумотлари дарак беряпти.
Умумий ҳисобда, 2019 йилнинг январь-июнь ойлари давомида истеъмол бозоридаги товарлар ва хизматлар нархи 5,6%га қимматлашди. 2018 йилнинг июнь ойига нисбатан республика истеъмол секторидаги ўртача нархлар 13,6%га ошди
Йирик гуруҳлар бўйича нарх ўзгаришларига нисбатан, 2019 йилнинг июнь ойи натижаларига кўра товарлар 0,8%га, жумладан, озиқ-овқат маҳсулотлари 1,8%га пасайди. Ноозиқ-овқат маҳсулотлари ой давомида 0,6%, хизматлар эса 0,7%га қимматлашди.
Умумий ҳисобда, 2019 йилнинг январь-июнь ойлари давомида озиқ-овқат маҳсулотлари 5,9%, ноозиқ-овқат маҳсулотлари 5,2%, хизматлар 5,3%га қимматлашди.
Йил давомида (2019 йил июнь ойи 2018 йилнинг июнь ойига нисбатан) озиқ-овқат маҳсулотлари нархлари 16,3%, ноозиқ-овқат маҳсулотлари 10,9%, хизматлар 12,9%га кўтарилди.
Озиқ-овқат маҳсулотларидан нархларнинг ўсиши борасидаги етакчилик жорий ой давомида алкоголсиз ичимликлар ва гўшт маҳсулотлари (нархлар мос равишда 1,4% ва 0,8%), шунингдек спиртли ичимликлар ва умумий овқатланиш (0,7%) гуруҳига тегишли бўлди.
Ой давомида кўпроқ даражада помидор (57,2%) ва бодринг (52,1%) маҳсулотлари нархлари пасайди. Кейинги ўринларда карам (36,3%га), тарвуз (22,1%га) ва қовун (10,7%га) қайд этилган. Шу билан бир қаторда, пиёз (31,1%га), цитрус мевалар (1,4%га), лавлаги (0,1%га) нархларининг ўсиши кузатилди.
Мавзуга оид
10:08 / 02.09.2024
7 ойда Ўзбекистонга 4 млндан ортиқ турист келди
12:30 / 01.09.2024
Ўзбекистонга тижорат мақсадида келганлар сони 51,4 минг нафарга ошган – Статистика агентлиги
22:16 / 30.08.2024
Бу йил Японияда 40 мингга яқин одам уйида ёлғиз вафот этди
21:03 / 28.08.2024