Тошкент вилояти ИИБ бошлиғига янги ўринбосар тайинланди
Ўзбекистон Республикаси Ички ишлар вазирлигининг ҳудудий тизимларида раҳбарлик лавозимларига тайинловлар амалга оширилди.
Ички ишлар вазирлиги матбуот хизмати хабар беришича, подполковник Абдижаббар Аллаёрович Расулов Тошкент вилояти Ички ишлар бош бошқармаси бошлиғининг пробация ва жазони ижро этиш масалалари бўйича ўринбосари лавозимига тайинланган.
Шунингдек, Бухоро вилоятининг икки туманида ИИБ бошлиқлари ўзгарган.
Подполковник Ниёзий Ҳамидович Болтаев Пешку тумани ички ишлар бўлими бошлиғи лавозимини эгаллаган.
Подполковник Бахтиёр Азимович Эгамбердиев Жондор тумани ички ишлар бўлими бошлиғи лавозимида иш бошлаган.
Бундан ташқари, яна учта вилоятда жойлашган учта туманга ИИБнинг янги бошлиқлари тайинланган.
Подполковник Бахтиёр Раҳимович Нажимитдинов Фарғона вилояти Марғилон шаҳри ички ишлар бўлими бошлиғи лавозимига тайинланган.
Майор Элёр Баҳодирович Аҳмедов Жиззах вилояти Пахтакор тумани ички ишлар бўлими бошлиғи лавозимига тайинланган.
Майор Заҳириддин Садриддинович Собиров Сирдарё вилояти Ширин шаҳри ички ишлар бўлими бошлиғи лавозимига тайинланган.