Twitter’да сиёсий реклама тақиқланди
Twitter ижтимоий тармоғида барча сиёсий рекламани тақиқлашга қарор қилинди. Бу ҳақда ижтимоий тармоқ асосчиси Жек Дорси маълум қилди.
“Биз бутун дунё бўйлаб Twitter’да барча сиёсий рекламани тўхтатишга қарор қилдик”, деб айтган Дорси.
Унинг таъкидлашича, интернет-реклама тижорат йўналишида реклама берувчилар учун кучли ва самарали воситадир, бироқ сиёсат учун хавф солади, чунки сайловчиларга таъсир қилиш учун қўлланиши мумкин. Бу эса миллионлаб одамларнинг ҳаётига таъсир қилади. Дорсининг айтишича, сиёсий ғоялар обуналар ва ретвитларни сотиб олиши керак эмас, балки уларга эришмоғи лозим. “Биз кўплаб жамоатчилик ҳаракатлари сиёсий рекламасиз ҳам катта кўламларга эришганини кўрганмиз”, деб қўшимча қилган ижтимоий тармоқ асосчиси.
Аввалроқ Twitter Канадада парламент сайловлари якунлангунга қадар сиёсий рекламани жойлаштиришни тақиқлаганди.
Ижтимоий тармоқнинг янги сиёсати 22 ноябрдан қўллана бошланади.
Мавзуга оид
23:47 / 14.08.2024
Х ижтимоий тармоғи ноқонуний ишдан бўшатилган ходимига 550 минг евро компенсация тўлайди
10:11 / 01.11.2023
Маскнинг ҳаракатлари туфайли Twitter қиймати 55 фоизга тушиб кетди
22:42 / 26.10.2023
Маск X платформасида янги функция ҳақида эълон қилди
21:13 / 19.09.2023