Қўшимча функционаллар
-
Тунги кўриниш
4 нафар хитойлик АҚШнинг 145 млн фуқароси шахсий маълумотларини ўғирлашда айбланмоқда
АҚШда 4 нафар хитойлик 145 млн кишининг шахсий маълумотларини ўғирлашда айбланмоқда. Улар қўлига фуқароларнинг исм-шарифлари, туғилган саналари ва ижтимоий суғурта рақамлари ҳақидаги маълумотлар тушган.
Фото: Global Look Press/Oliver Berg
АҚШ бош прокурори Уильям Барр хитойликларга АҚШнинг Equifax кредит тарихи бюроси компьютер тизимларини бузиб кириш, тижорат сири ва америкаликларнинг шахсий маълумотларини ўғирлаш айбловини илгари сурди. Бу ҳақда АҚШ адлия вазирлигида маълум қилинган.
АҚШ маълумотларига кўра, айбланувчилар Хитой армиясига қарашли тадқиқот институтларидан бирида ишлашган.
2017 йилда содир этилган хакерлик ҳужумидан 145 млн киши ёки АҚШ аҳолисининг деярли ярми жабрланган.
Equifax компьютер тизимлари бузиб кирилганидан кейин компания 575 млн доллар жарима ва хакерлик ҳужуми жабрланувчиларга компенсация жамғармасига 300 млн доллар тўлашига тўғри келган. Шунингдек, компания киберҳужумлардан ҳимоясини кучайтиришга ваъда берган. Ушбу воқеадан кейин компаниянинг директорлар кенгаши раиси ва бош ижрочи директори Ричард Смит истеъфога кетишга қарор қилган.
Мавзуга оид
16:42
Кремл Путин ва Трамп телефонда суҳбатлашганини рад қилди
14:42
Американинг круиз компанияси Трамп сиёсатидан қочишни истаганлар учун дунё бўйлаб 4 йиллик саёҳат таклиф қилмоқда
13:30 / 10.11.2024
Трамп ютса урушни бир суткада тўхтатишни ваъда қилганди. У ютди — хўш?
23:26 / 09.11.2024