Дунёнинг энг қиммат автомобил компаниялари маълум қилинди
Америкалик тадбиркор Илон Маскнинг Tesla компанияси акциялари ярим йил ичида 2,5 марта қимматлаб, компания капиталлашуви 190 млрд долларга етди.
Бу эса Tesla’ни дунёнинг энг қиммат автомобил компаниясига айлантирди. Tesla акциялари савдолар вақтида минг доллардан ошган. Мутахассислар буни Хитойда электромобилларга талаб ошгани билан тушунтиришмоқда.
Йил бошида компания акциялари 420 доллар турган. Ҳозирда эса уларнинг нархи 1025 долларни ташкил қилмоқда. Бор-йўғи ярим йил ичида компания акциялари нархи 2,5 марта ошиб кетган.
2-ўринни Япониянинг Toyota компанияси 182 млрд долларлик капиталлашув билан эгалламоқда. 3-ўринни Германиянинг Volkswagen компанияси эгалламоқда. Немис компаниясининг бозор қиймати 75 млрд долларни ташкил қилмоқда.
4-ўринни яна бир япон компанияси Honda 48 млрд доллар билан эгалламоқда. Энг қиммат автомобил компаниялари етакчи бешталигини Daimler AG немис компанияси 41 млрд доллар билан якунлаган.
Автомобиллар соҳасидаги мутахассисларнинг фикрича, Tesla акциялари Хитойда электромобилларга талаб кескин ошгани сабабли қимматлашган. Бунда компаниянинг Шанҳайда завод очиши ҳам муҳим аҳамият касб этган. Бу заводда йил охиригача 100 мингта автомобил ишлаб чиқариш режалаштирилмоқда.
Мавзуга оид
21:50 / 28.09.2024
Бразилия Олий суди Х ижтимоий тармоғига янги жарима белгилади
23:52 / 19.09.2024
АҚШ Махфий хизмати Илон Маскнинг ўчириб юборилган твити бўйича текширув бошлади
21:56 / 19.09.2024
Рамзон Қодиров Cybertruck электромобили Илон Маск томонидан «ўчириб қўйилганини» айтди
20:28 / 18.09.2024