Рэпер Канье Уэст АҚШ президентлигига номзод сифатида рўйхатга олинди
Америкалик рэп қўшиқчиси Канье Уэст АҚШ президентлигига номзод сифатида рўйхатдан ўтказилди. Бу борадаги махсус Форма №1 гувоҳномаси федерал сайлов комиссияси расмий сайтида пайдо бўлди.
Таниқли модел Ким Кардашианнинг эри Канье Уэст сайлов кампанияси учун «Канье 2020» деган ном танлаган. Унинг партияси эса ноодатий ва таъбир жоиз бўлса, жиддий бўлмаган кўринишда: BDY Party. Яъни, Birthday Party (туғилган кун базми). Рэпернинг номзоди 15 июль куни рўйхатдан ўтказилган.
Маълум бўлишича, Уэст ҳали Форма №2 деб номланадиган асосий ҳужжатни топширмаган. Бу ҳужжат сайлов кампанияси учун камида 5 минг доллар миқдорида пул тўплангани ёки харажат қилинганидан гувоҳлик бериши керак. Бу ҳужжатсиз номзод сайловга қўйилмайди.
АҚШдаги машҳур консалтинг компанияси Redfield & Wilton 15 июль куни 2 фоиз америкаликлар сайловда Канье Уэст номзодига овоз беришга тайёрлигини маълум қилганди. Ижтимоий сўровлар натижаси ҳозирча Жо Байденга устунлик бермоқда. Унинг номзодини қўллаб 48 фоиз америкаликлар овоз беришга тайёр.
АҚШда рэпер Канье Уэстнинг номзодини жиддий қабул қилишмаяпти. Маълум бўлишича, унинг руҳий ҳолатидаги салбий ўзгаришлар президентлик кампанияси бошлашига сабаб бўлган. Уэст ўз номзодини илгари сурмоқчи эканини айтганида, амалдаги президент Дональд Трамп уни қўллаб-қувватлашини маълум қилганди.
Мавзуга оид
23:13 / 21.09.2024
Ҳаррис сайлов кампаниясида Трампдан уч баробар кўп маблағ тўплади — ОАВ
20:40 / 21.09.2024
Шимолий Кореяга қочиб ўтган америкалик аскар шармандаларча армиядан ҳайдалгани маълум бўлди
17:10 / 21.09.2024
АҚШда “полициячи” робот жиноятчини тутиб берди
16:27 / 21.09.2024