Эрдўған Макронга Ўрта ер денгизи масаласида Туркия билан боғланмасликни маслаҳат берди
Кейинги вақтда Франция президенти Шарқий Ўрта ер денгизидаги беқарорликни қоралаб тез-тез чиқиш қилмоқда ва Грецияни қўллаб-қувватламоқда.
Туркия президенти Ражаб Тоййиб Эрдўған франциялик ҳамкасби Эмманюэл Макронга Шарқий Ўрта ер денгизи муаммосини ҳал қилишга уриниб Анқара билан боғланмаслик кераклигини айтди.
"Макрон Франциянинг турк миллати билан эмас, Эрдўған билан муаммолари борлигини айтмоқда. Жаноб Макрон, шахсан мен билан каттароқ муаммоларинг бўлади. Турк халқи ва Туркия билан боғланма. Африка тарихи – бу Франция тарихи, Африкада миллионлаб одамларни сизлар ўлдиргансизлар", - деди Туркия президенти.
Эрдўғаннинг сўзларига кўра, Парижнинг Анқарага "инсонийлик борасида дарс ўтишга ҳаққи йўқ".
"Буни шахсан ўзига айтдим. У тарихни билмаслигини айтдим", - деб қўшиб қўйди Ражаб Тоййиб Эрдўған.
Кейинги вақтда Франция президенти Шарқий Ўрта ер денгизидаги беқарорликни қоралаб тез-тез чиқиш қилмоқда ва Грецияни қўллаб-қувватламоқда.
10 сентябрда Корсикада Греция, Италия, Испания, Кипр, Мальта ва Португалия иштирокида Жанубий Европа мамлакатлари (MED 7) саммити бўлиб ўтди. Макрон Туркия денгиз шельфида геологик разведкани давом эттирадиган бўлса, унга қарши санкциялар рўйхати тузилиши ҳақида огоҳлантирди.
Мавзуга оид
21:36 / 21.09.2024
Францияда талабалар археологик қазиш ишлари давомида 200 йиллик мактубни топди
12:10 / 21.09.2024
Украина ҳарбий учувчилари Францияда тайёргарликни якунлади
20:03 / 19.09.2024
Саида Мирзиёева Туркиянинг Ўзбекистондаги элчиси билан учрашув ўтказди
02:16 / 18.09.2024