Tesla бир қувватланишда 840 километр йўл боса олувчи янги моделини тақдим қилди
АҚШнинг Tesla компанияси янги электромобили Model S Plaid’ни тақдим қилди. Янги моделнинг ўзига хос жиҳатларидан бири шуки, у бир қувватланишда 840 км йўл боса олади.
Battery Day тадбири давомида тақдим қилинган машина 96 км/соат тезликка 2 сониядан камроқ вақт ичида эриша олади, унинг максимал тезлиги соатига 322 кмни ташкил қилади.
Компания раҳбари Илон Маскнинг маълум қилишича, Model S Plaid прототипи Laguna Seca трассасида синовдан ўтказилган.
Янги моделнинг бошланғич нархи 139990 долларни ташкил қилади. Компанияда машина учун буюртмалар олина бошланган. У 2021 йил охиридан бошлаб ўз эгаларига етказиб берилиши кутилмоқда.
Илон Маск Battery Day тадбирида электромобилларга харажатларни қисқартириши ва 25 минг долларга автопилотли электрокар чиқаришини эълон қилгач, компания акциялари 12 фоизга арзонлашиб кетган ва бунинг оқибатида компания бозор қиймати 50 млрд долларга қисқарган.
Таъкидланишича, инвесторлар тадбирда электокарларга бир қувватланишда миллион мил йўл босишга имкон берувчи янги батарея тақдим қилинишини кутишган. Бироқ уларнинг умидлари оқланмаган ва умуман олганда, экспертларнинг таъкидлашича, тадбирда “бирор сезиларли ҳодиса юз бермаган”.
Мавзуга оид
23:19 / 10.09.2024
Европа Иттифоқи Tesla ва Хитойда ишлаб чиқарилган электомобиллар учун божларни камайтиради
21:51 / 05.09.2024
Tesla 2025 йилда Хитой ва Европа бозорларига «автопилот» тизимини олиб кирмоқчи
13:31 / 23.08.2024
Tesla заводи туфайли Берлин яқинида 500 000 дарахт кесилди
23:08 / 22.08.2024