АҚШда робот-дельфин ишлаб чиқилди (видео)
Америкалик аниматроник-муҳандислар ташқи томондан ҳақиқий дельфиндан фарқлаш қийин бўлган робот-дельфин ишлаб чиқишди. У сузади, ҳалқалар орқали сакрайди ва акробатик трюклар бажаради.
Arynews телекомпаниясининг маълум қилишича, роботни яратиш учун тиббий силикондан фойдаланилган. Роботни цирк томошалари ва дельфинарийларда қўллаш мумкин.
Робот-дельфиннинг узунлиги 2,5 метрни, оғирлиги 250 кгни ташкил қилади. У оператор томонидан радиоканал орқали бошқарилади. Робот Калифорнияда синовдан ўтказилган ва тутқунликда ушлаб турилувчи дельфинлар ўрнини босиш учун ишлаб чиқилган.
Edge Innovations бош директори Уолт Контининг маълум қилишича, дунё бўйлаб дельфинарийларда 3 мингга яқин дельфин тутқунликда ушланади. Антиқа робот эса тирик ҳайвонлар билан томошалар қўйиш тақиқланган цирк ва боғларда қўлланиши мумкин.
Мавзуга оид
17:10 / 21.09.2024
АҚШда “полициячи” робот жиноятчини тутиб берди
23:14 / 03.09.2024
Кенияда робот официантлар: технология Шарқий Африка ресторан бизнесини ўзгартирмоқда
22:34 / 03.08.2024
Сунъий интеллектга эга робот хавфли зоналарга юборилади
22:54 / 28.05.2024