Оқ уй Трамп президентлик учун курашни давом эттиришини маълум қилди
Трамп жамоаси айрим штатларда овозларни қайта ҳисоблашни талаб қилмоқчи, айрим штатларда эса судга мурожаат қилиниши мумкин.
АҚШ президенти Дональд Трамп курашни давом эттириш ниятида ва сайловчиларнинг овозлари тўғри ҳисобланишига ҳаракат қилмоқда. Бу ҳақда Оқ уйнинг миллий иқтисодий кенгаши раҳбари Лоуренс Кадлоу CNBC телекомпаниясига берган интервьюсида айтди.
“Бугун эрталаб президент билан қисқача гаплашдим ва у курашни давом эттириш ҳамда сайлов бюллетенлари керакли тарзда ҳисоблаб чиқилишига эришиш ниятида”, - деди у.
Ҳокимиятнинг тинч йўл билан топширилиши тўғрисидаги саволга жавоб берар экан, Лоуренс Кадлоу "ҳокимият тинч йўл билан" топширилишини таъкидлади.
"Бу – дунёдаги буюк мамлакат, энг буюк демократия. Биз қоида бўйича ҳаракат қиламиз ва президент ҳам бунга амал қилади", деди у.
Трамп жамоаси айрим штатларда овозларни қайта ҳисоблашни талаб қилмоқчи, айрим штатларда эса судга мурожаат қилиниши мумкин. Амалдаги президент Висконсиндаги овозлар қайта ҳисобланишига эришиш ниятини билдирган.
Мавзуга оид
23:13 / 21.09.2024
Ҳаррис сайлов кампаниясида Трампдан уч баробар кўп маблағ тўплади — ОАВ
20:40 / 21.09.2024
Шимолий Кореяга қочиб ўтган америкалик аскар шармандаларча армиядан ҳайдалгани маълум бўлди
17:10 / 21.09.2024
АҚШда “полициячи” робот жиноятчини тутиб берди
16:27 / 21.09.2024