Қўшимча функционаллар
-
Тунги кўриниш
Трамп сайлов натижаларидан норози бўлишига қарамасдан ҳокимиятни топширишини маълум қилди
АҚШ сенати ва конгресс вакиллар палатаси 6 январ куни демократ Жозеф Байденнинг президент сайловида ғалаба қозонганлигини тасдиқлади.
Фото: Reuters
АҚШнинг амалдаги президенти Доналд Трамп 20 январ куни ҳокимиятни топширишини маълум қилди. Унинг баёноти президент ёрдамчиси Дэниел Скавинонинг твиттерида эълон қилинди.
"Сайлов натижаларига тўлиқ қўшилмасам ҳам 20 январ куни ҳокимият топширилиши тегишли тарзда ўтказилади", - дейилади баёнотда.
АҚШ сенати ва конгресс вакиллар палатаси 6 январ куни демократ Жозеф Байденнинг президент сайловида ғалаба қозонганлигини тасдиқлади.
Шу куни Трампнинг тарафдорлари АҚШ конгрессига бостириб киришди. Кейинроқ куч ишлатиш тузилмалари намойишчиларни конресс биносидан сиқиб чиқаришди.
Тартибсизликлар вақтида тўрт киши ҳалок бўлди.
Доналд Трамп сайловдаги мағлубиятини тан олмасдан келмоқда.
АҚШ-2020
