Қўшимча функционаллар
-
Тунги кўриниш
Сан-Марино Ўзбекистон билан дипломатик муносабатлар ўрнатган 136-давлат бўлди
Жорий йил 3 февраль куни Ўзбекистон ва Сан-Марино ўртасида дипломатик муносабатлар ўрнатиш тўғрисидаги протоколни расмий имзолаш маросими бўлиб ўтди, деб хабар бермоқда «Дунё».
Фото: dunyo.info
Мамлакатнинг Италиядаги элчихонаси маълумотига кўра, ҳужжатни Ўзбекистон томонидан элчи Отабек Акбаров, Сан-Марино томонидан эса ушбу давлатнинг Италиядаги элчиси Даниэла Ротондаро имзолади.
Икки мамлакатда ички процедуралар ўтказилгандан сўнг, мазкур ҳужжат кучга киради ва Сан-Марино Ўзбекистон билан дипломатик муносабатлар ўрнатган 136-давлат бўлади.
Сан-Марино дунёдаги энг кичик давлатлардан бири ҳисобланади. Мамлакат тўрт томондан ҳам Италия билан чегарадош. Сан-Марино аҳоли жон бошига ялпи ички маҳсулот кўрсаткичи бўйича (2020 йил – 56 минг 690 доллар) дунёдаги энг бой мамлакатлардан биридир.
Элчи Даниэла Ротондаронинг фикрига кўра, икки мамлакат озиқ-овқат хавфсизлиги ва соғлом овқатланишни таъминлаш ҳамда камбағалликни бартараф этишда биргаликда ишлаши мумкин.
Шунингдек, у ўзаро муносабатларни савдо-иқтисодий ҳамкорлик орқали ривожлантиришдан манфаатдорлигини қайд этди. Хусусан, элчининг сўзларига кўра, Сан-Марино инвестицияларни ўзаро ҳимоя қилиш ва рағбатлантириш, икки томонлама солиққа тортмаслик тўғрисидаги шартномаларни ишлаб чиқиш ва имзолашга тайёр.
Мавзуга оид
14:30 / 21.10.2024
Ўзбекистон Африка қитъасининг нечта давлати билан дипломатик муносабатлар ўрнатгани айтилди
14:30 / 30.09.2024
Ўзбекистон ва Баҳама ороллари ўртасида дипломатик муносабатлар ўрнатилди
08:56 / 28.09.2024
Ўзбекистон Ботсвана билан дипломатик алоқа ўрнатди
14:20 / 27.09.2024