Буюк Британия бош вазири мамлакатда карантин чекловлари 8 мартдан бекор қилинишини эълон қилди
Буюк Британияда коронавирус пандемиясининг янги тўлқини туфайли қўлланган чеклов чораларининг бекор қилиниши 8 март куни мактабларнинг очилиши билан бошланади. Бу ҳақда Буюк Британия бош вазири Борис Жонсон душанба куни парламентдаги нутқида маълум қилди.
“Икки ҳафтадан сўнг, барча мактаблар ва бошқа таълим муассасаларида ўқувчилар ва талабалар бехавотир юзма-юз таълим тарзига қайтишлари мумкин”, - деди бош вазир. Ҳукумат раҳбарининг таъкидлашича, одамлар зарур эҳтиёж бўлмаса уйларини тарк этмаслик талаблари 29 мартга қадар давом этади.
Ушбу юмшатишлар Буюк Британия аҳолисининг 85 фоиз яшайдиган Англияга тегишли. Қиролликнинг қолган маъмурий ва сиёсий қисмлари яъни Шотландия, Уэлс ва Шимолий Ирландиянинг маъмурлари ўзларининг сиёсатини карантин қоидалари доирасида мустақил равишда белгилайдилар. Аммо, одатда, уларнинг бу борадаги ҳаракатлари Лондон томонидан қўйилган қадамлар билан синхронлаштирилади.
Мавзуга оид
21:52 / 17.09.2024
Буюк Британия ноқонуний миграцияга қарши курашга 75 млн фунт ажратади
20:09 / 14.09.2024
Британияда аёл фарзандини «икки марта туғди»
16:34 / 13.09.2024
Британия ИИВ раҳбари мамлакатдаги “ўғрилик эпидемияси” ҳақида нутқ сўзлаётганда унинг ҳамёнини ўғирлаб кетишди
22:17 / 10.09.2024