Кремль Донбассда уруш бошланиши Украина интиҳосининг ибтидоси бўлишидан огоҳлантирди

Дмитрий Козак зарурат туғилса Россия Донбасс халқини ҳимоя қилишини айтди.

Фото: РИА Новости

Россия президенти администрацияси раҳбарининг ўринбосари Дмитрий Козак Донбассда жанговар ҳаракатларнинг қайтадан авж олиши Украина тугашининг бошланиши бўлиши мумкинлигидан огоҳлантирди. Бу ҳақда «Московский комсомолец» хабар бермоқда.

Козак, шунингдек, зарурат туғилса Россия Донбасс халқини ҳимоя қилишини айтди.

«Агар у ерда президентимиз айтганидек, Сребреница уюштириладиган бўлса, биз ҳимоя қилишга мажбур бўламиз», – деди Козак.

8 апрел куни Украина президенти Владимир Зеленский ишчи ташриф билан Донбассга келди ва украин ҳарбийлари билан учрашувга йўл олди.

Аввалроқ Россия хавфсизлик кенгаши котиби Николай Патрушев Россия Донбассдаги низога аралашишни режалаштирмаётгани, аммо вазиятни кузатаётганини айтганди.

#Россия #Украина #Донбасс

2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.