Қўшимча функционаллар
-
Тунги кўриниш
Журналистика университети ўқув йили охиригача масофавий таълимга ўтди
Ўзбекистон журналистика ва оммавий коммуникациялар университети талабалари ўқишни масофавий таълим шаклида давом эттиришади. Бу ҳақда университет ахборот хизмати хабар берди.
Хабарда айтилишича, Ўзбекистон журналистика ва оммавий коммуникациялар университетида 12 апрелда бошланган 2 ҳафталик карантин якунланди.
Қайд этилишича, мазкур олий таълим муассасасида таълим жараёни онлайн тарзда давом эттирилади.
ОТМ ётоқхонасида карантинга олинган талабаларга уйларига кетиш учун 24 апрелдан рухсат берилади.
Бундан олдин, Ўзбекистон давлат жаҳон тиллари университети ҳамда Жаҳон иқтисодиёти ва дипломатия университети 14 кунлик масофавий таълим шаклига ўтказилганди.
Шунингдек, Жаҳон иқтисодиёти ва дипломатия университетида ўтган ҳафта мобайнида баъзи кам сонли талабалар орасида коронавирус инфекцияси қайд этилган. Шу муносабат билан касалликнинг талаба ва ўқитувчилар орасида тарқалишининг олдини олиш мақсадида университетда ўқув жараёнлари 14 кунга масофавий шаклга ўтказилди.
Бундан ташқари, 19 апрелдан Тошкент давлат ўзбек тили ва адабиёти университети ҳамда Самарқанд иқтисодиёт ва сервис институти ҳам карантин сабаб масофавий таълимга ўтди.
Шу кундан эътиборан Ўзбекистон Миллий университети ва Тошкент тиббиёт академияси талабалар ётоқхоналари 14 кунлик карантинга ёпилди.
Аввалроқ, ТАТУ Самарқанд филиали, Чирчиқ давлат педагогика институтидаги битта факультет онлайн таълимга ўтказилганди.
Мавзуга оид
18:39 / 26.07.2023
14 та олий таълим муассасасида масофавий таълим шакли жорий этилади
23:08 / 29.06.2023
Сиртқи таълим масофавий шаклга ўтказилиши мумкин
11:56 / 11.04.2023
ЖОКУ биноларидан бири «дарз кетгани» айтилган видео тарқалди. Бу аслида сейсмик чок экани маълум бўлди
16:19 / 04.10.2022