Азиз Абдуҳакимов Ўзбекистон аэропортлари Чимкент ва Ўш аэропортлари билан рақобатлашиши ҳақида гапирди
Туризм ва спорт вазирлиги 28 апрел куни зиёрат туризмини ривожлантиришнинг долзарб масалалари мавзусида халқаро давра суҳбати ўтказди.
Тадбирдан сўнг бош вазир ўринбосари, туризм ва спорт вазири Азиз Абдуҳакимов журналистларга интервью берди, дея хабар бермоқда Kun.uz мухбири.
«Самарқандда янги қурилаётган аэропортни асосий аэропортлардан бири бўлади, деб кўзлаб турибмиз. Унинг қурилишига хусусий инвестор келиб, ўз маблағларини тиккан. У ерда янги терминал ташкил этиляпти. Йилига 1,5 млн., эҳтиёжга қараб 2,5 млн. йўловчига хизмат қилолади.
Нимага бизда аэропортларимиздан самарали фойдаланилмаяпти? Албатта, бу йўловчилар учун парвоз нархи юқорилиги билан боғлиқ. Янги хусусий Qanot Sharq Airlines ўз фаолиятини бошласа, кўплаб халқаро авиакомпаниялар Ўзбекистон авиабозорига кириб келса, рақобат пайдо бўлади. Табиийки, нархлар ҳам тушади.
Қўшни давлатлардан мисол келтиришимиз мумкин, Чимкент, Ўш орқали жуда катта йўловчилар оқими ўтмоқда. Нархлар тушиши орқали у ердаги оқимни Тошкент, Самарқанд, Бухородаги йирик аэропортларимизга қайтариш имкони пайдо бўлади», – деди Абдуҳакимов.
Мавзуга оид
20:25 / 19.09.2024
Москва аэропортларида хорижликлар учун янги қоидалар жорий этилади
10:45 / 12.09.2024
«Ҳеч ким ёрдам беролмайди» – Москва аэропортида Россия фуқаролигини рад этгани учун қайтарилган мигрант ҳикояси
08:54 / 12.09.2024
Шаҳрисабз аэропорти фуқаро авиацияси парвозлари учун ўз фаолиятини тиклади
17:16 / 09.09.2024