«Барселона» Агуэронинг трансферини эълон қилди

Ҳужумчи Серхио Агуэро эркин агент сифатида «Барселона»га ўтди. Бу ҳақда испан клуби хабар қилди.

Каталонияликлар аргентиналик 32 ёшли футболчи билан 2 йиллик шартнома имзолашди ва унинг товон пулини 100 млн евро этиб белгилашди.

AGÜEROOOOOOOOOOOOOOOOOOOOOOOOOOOOOOOOOOOOOOOOOOOOOOOOOO pic.twitter.com/LHIsGVRzsV
— FC Barcelona (@FCBarcelona_es) May 31, 2021

Агуэро 2006-2011 йилларда Мадриднинг «Атлетико» клубида ўйнаган. У сўнгги 10 йилни «Манчестер Сити» сафида ўтказган. Унинг шартномаси 2021 йил 30 июнига қадар тузилганди ва манчестерликлар бу шартномани узайтиришни исташмади.

Агуэро «Манчестер Сити» билан беш бор Англия чемпиони бўлди, беш марта Англия Кубогини, уч марта Англия Суперкубогини ва олти марта Англия Лигаси Кубогини қўлга киритди. У «шаҳарликлар» учун жами 390 ўйин ўтказиб, 260 гол урган ва 73 голли узатмага муаллифлик қилган.

#Барселона #Манчестер Сити #Серхио Агуэро #ёзги трансферлар