Рубен Диаш – АПЛда мавсумнинг энг яхши ўйинчиси деб топилди

Англия Премьер-лигаси 2020/21 йилги мавсум якунларига кўра, мусобақанинг энг яхши футболчисини аниқлади.

АПЛ расмий сайтининг эълон қилишича, «Манчестер Сити» ҳимоячиси Рубен Диаш якунланган мавсумнинг энг яхши футболчиси деб топилган.

Announcing himself to the #PL in 𝘀𝘁𝘆𝗹𝗲 😎

👏 Introducing your 2020/21 @EASPORTSFIFA Player of the Season: @rubendias 👏#PLAwards pic.twitter.com/FCvr2Jg1w1
— Premier League (@premierleague) June 5, 2021

Ушбу соврин учун Диашдан ташқари, Кевин де Брюйне («Манчестер Сити»), Бруну Фернандеш («Манчестер Юнайтед»), Жек Грилиш («Астон Вилла»), Ҳарри Кейн («Тоттенҳэм»), Мэйсон Маунт («Челси»), Муҳаммад Салоҳ («Ливерпуль») ва Томаш Соучек («Вест Ҳэм») даъвогарлар қаторига киритилганди.

Аввалроқ, Диаш журналистлар талқинига кўра ҳам АПЛда йил ўйинчиси деб топилганди.

Эслатиб ўтамиз, Диаш сентябрь ойида «Бенфика»дан 68 миллион евро эвазига «Манчестер Сити» сафига ўтганди. Рубен АПЛ жорий мавсумида 32 ўйинда битта гол уриб, якунда клуби билан чемпионликка эришди.

#АПЛ #Рубен Диаш