Дунё бўйича коронавирус пандемияси қурбонлари сони 4,5 миллиондан ошди

Пандемия бошланганидан буён касаллик юқтириш билан боғлиқ 217,3 млн ҳолат қайд этилган.

Фото: Reuters

Дунё бўйича COVID-19 оқибатида вафот этганлар сони 4,5 млн нафардан ошди. Бу ҳақда Worldometers портали маълумот берди.

Пандемия бошланганидан буён касаллик юқтириш билан боғлиқ 217,3 млн ҳолат қайд этилган, 4 млн 517 минг 906 киши вафот этган.

Хусусан, АҚШда 39,6 млн нафардан ортиқ кишида коронавирус аниқланган, 654 мингдан ортиқ бемор вафот этган.

Ҳиндистонда пандемия бошланганидан буён касалланганлар сони 32,7 млн кишидан ошган, 438 мингдан зиёд киши вафот этган.

Бразилияда 20,7 млн киши инфекция юқтирган, 580 минг киши вафот этган.

#коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.