Дунёдаги энг оқ бўёқ Гиннесс рекордлар китобига киритилди
АҚШнинг Пердью университети олимлари ишлаб чиққан оқ бўёқ қуёш нурини энг кўп миқдорда акслантира олиши учун Гиннесс рекордлар китобига киритилди.
Таъкидланишича, бўёқ у билан қопланган сиртга тушувчи қуёш нурининг 98 фоиздан кўпроғини акслантиришга мўлжалланган Бунинг эвазига ушбу сирт ён-атрофдаги бошқа нарсалардан совуқроқ бўлади. Бу ҳавони сунъий совитишга эҳтиёжни камайтиради ва ҳаттоки умуман қолдирмаслиги мумкин.
“Биз бу лойиҳани 7 йил аввал бошлаганимизда, энергияни тежаш ва иқлим ўзгаришига қарши кураш учун бўёқ яратишни мақсад қилгандик”, деб айтган бўёқни ишлаб чиқишда иштирок этган етакчи тадқиқотчилардан бири Сюлин Руан.
Унинг таъкидлашича, ҳозирда бозорда қуёш нурини “кўп миқдорда акслантирувчи” деб тақдим қилинувчи оқ бўёқлар нурнинг 80-90 фоизини акслантиради. Бу миқдор маиший қўллашда етарли бўлиши мумкин, бироқ гап ҳақиқий совитиш эффекти ҳақида борганда, камлик қилади.
Мутахассисларнинг таъкидлашича, “ултраоқ” бўёқда стандарт акрил суюлтирувчи ишлатилади ва уни оддий бўёқ сифатида ишлаб чиқариш мумкин. Уларнинг айтишича, бўёқ 2 йил ичида бозорга чиқарилиши мумкин.
Мавзуга оид
15:20 / 17.09.2024
Япониялик аёл дунёдаги энг кекса одам деб топилди
11:30 / 06.07.2024
Дунёни ҳайратлантираётган Хитой. Янги автомобил йўли 10 та рекордни янгилади
21:10 / 20.04.2024
Дюплантис лангарчўпда сакраш бўйича жаҳон рекордини саккизинчи марта янгилади
14:23 / 08.11.2023