Навоийда қизларни фоҳишалик учун Туркияга жўнатмоқчи бўлган аёлга суд ҳукми ўқилди  

Маълум қилинишича, «Гўзал» жорий йилнинг 22 март куни Навоий шаҳрида жойлашган “Шуҳрат” кафесида Д.Н. билан танишиб, унга Туркия давлатида фоҳишалик қилиш йўли билан даромад топишни таклиф қилган. Кейин унинг суратларини Telegram тармоғи орқали Туркия давлатидаги танишларига ташаб берган.  

Д.Н. билан ўзаро келишувга эришган «Гўзал» 2021 йил 11 апрелда уни Андижон вилоятидаги Ўзбекистон ва Қирғизистон чегара пункти орқали Туркияга олиб чиқиб кетаётганида ҳуқуқни муҳофаза қилувчи органлар ходимлари томонидан ашёвий далиллар билан қўлга олинган.

Навоий шаҳар судининг ҳукмига кўра, «Гўзал»га 5 йил 4 ой муддатга озодликдан маҳрум қилиш жазоси тайинланган.

Олдинроқ ушбу фуқаро Андижон вилояти, Пахтаобод тумани, «Маданият» халқаро чегара ўтказиш пунктида қўлга олингани хабар қилинганди.