Украина аксилдопинг агентлиги раҳбарияти можародан кейин истеъфога чиқди
Украина аксилдопинг агентлиги раҳбарияти Жаҳон аксилдопинг агентлиги (WADA) томонидан аниқланган қоидабузарликлар сабабли тўлиқ таркибда истеъфога чиқди. Бу ҳақда Украина спорт ва ёшлар вазирлиги маълум қилди.
“Украина аксилдопинг агентлиги тест олиш қоидаларини бузди. Шу сабабли агентлик директори Иван Курлишчук ва унинг ўринбосари Ярослав Кручек истеъфога чиқди. Биз допингга қарши кураш масаласида аниқ позицияга эгамиз ва ҳеч кимга аксилдопинг қоидаларини бузишга йўл қўймаймиз”, деб айтилган вазирлик хабарида.
2019 йилда WADA томонидан бошланган ва “Геркулес операцияси” деб номланган тергов давомида Украина томони тизимли равишда аксилдопинг қоидаларини бузгани аниқланган. Таъкидланишича, Украина аксилдопинг агентлиги 2012 йилдан бошлаб спортчиларни допинг текширувдан ўтишлари ҳақида олдиндан хабардор қилган ва мусобақаларда олинган қон намуналарини мусобақалардан ташқарида олинган деб белгилаган. Бу эса аксилдопинг қоидаларга зид ҳисобланади.
Мавзуга оид
18:01 / 29.09.2024
Фронтдаги вазият: Россия армияси Украинанинг муҳим қалъаси — Вуҳледарни деярли тўлиқ қуршаб олди
13:31 / 29.09.2024
Путин Россиянинг ядро доктринасини ўзгартирмоқчи. Бу амалда нимани англатади?
22:10 / 28.09.2024
Украина разведкаси Москва вилоятида Россия армияси полковниги ўлдирилганини маълум қилди
16:20 / 28.09.2024