Ўзбекистонда сунъий интеллект соҳасида махсус режим ташкил этилмоқда
Ҳукумат қарори билан сунъий интеллект технологияларини қўллаб-қувватлаш учун махсус режим ташкил этиш ва унинг фаолиятини йўлга қўйиш тартиби тўғрисидаги низом тасдиқланди.
Махсус режим IT-паркнинг алоҳида бўғини бўлиб, у ерда алоҳида ҳуқуқий енгилликлар яратилади ва юридик шахслар ва илмий ташкилотлар томонидан дастурий маҳсулотлар тажрибадан ўтказилади ва амалиётга жорий қилинади.
Махсус режим иштирокчиси бўлиш учун талабгорлар IT-паркнинг махсус веб-платформаси орқали ариза топширади. Аризалар Ахборот технологиялари ва коммуникацияларини ривожлантириш вазирлиги томонидан 5 иш кунида дастлабки техник экспертизадан ўтказилади.
Эксперт кенгаши ва Мувофиқлаштириш комиссияси хулосалари асосида вазирлик талабгорларни иштирокчи сифатида рўйхатга олиш ёки рўйхатга олишни рад этиш тўғрисида қарор қабул қилади.
Махсус режим иштирокчилари ўз ходимлари малакасини ошириш ва қайта тайёрлашга сарфланган харажатлари давлат томонидан компенсация қилинади.
Иштирокчиларга тажриба-синов лойиҳаларини амалга ошириш учун зарур бўлган маълумот ҳамда ҳужжатларни, шахсга доир эгасизлантирилган маълумотларни вазирлик, идора ва ташкилотлардан олиш ҳуқуқи берилади.
Мавзуга оид
21:48 / 24.09.2024
БМТ бош котиби сунъий интеллект дунёни бўлиб юбориши хавфидан огоҳлантирди
22:42 / 13.09.2024
OpenAI фикрлашга қодир биринчи o1 моделини чиқарди
21:28 / 04.09.2024
Google Ҳиндистон компанияси билан касалликни «эшитадиган» сунъий интеллект яратишни бошлади
11:30 / 23.08.2024