Қўшимча функционаллар
-
Тунги кўриниш
Мактабларда ҳам қишки таътил узайтирилди
Вазирлик буни Миллий ўқув дастурлари асосида малакаларини ошириш курсларини ташкил этиш, шунингдек, ўқувчи - ёшлар ўртасида мавсумий грипп касаллигининг кескин кўпайишининг олдини олиш билан изоҳлаган.
Халқ таълими вазирлиги матбуот хизмати Ўзбекистонда мактабларда ҳам қишки таътил 24 январга қадар узайтирилганини маълум қилди.
«Ҳурматли ота-оналар!
Халқ таълими тизимидаги директор, директорнинг ўқув ва маънавий-маърифий ишлар бўйича ўринбосарлари ҳамда педагог-ўқитувчиларнинг халқаро стандартлар асосида ишлаб чиқарилган Миллий ўқув дастурлари асосида малакаларини ошириш курсларини ташкил этиш, шунингдек, ўқувчи - ёшлар ўртасида мавсумий грипп касаллигининг кескин кўпайишининг олдини олиш мақсадида халқ таълими вазирлиги қишки таътил кунлари 2022 йил 24 январга қадар узайтирилганини маълум қилади.
Таътил кунлари давомида, ўқувчиларнинг бўш вақтларини мазмунли ташкил этиш мақсадида улар учун онлайн фан олимпиадалар, интеллектуал ўйинлар, китобхонлик маданиятини ривожлантиришга қаратилган беллашувлар ва турли танловлар ташкил этилади.
Бундан ташқари халқ таълимининг ижтимоий тармоқлари ҳамда Миллий телерадиокомпаниянинг телеканаллари орқали турли тўгараклар фаолияти йўлга қўйилади», дейилади вазирлик хабарида.
Ўзбекистонда ОТМ талабалари ва мактаб ўқувчилари учун қишки таътил 28 декабрдан бошланганди.
6 январь куни Олий таълим вазирлиги талабалар учун қишки таътил муддати узайтирилгани ҳақида хабар берган, Халқ таълими вазирлиги эса ўқувчилар одатдаги каби 11 январдан мактабларга қайтишини маълум қилганди.
Мавзуга оид
22:53 / 24.01.2023
Тошкент шаҳридаги яна 12 та мактабда 25 январдан таълим жараёни бошланади
00:05 / 24.01.2023
24 январдан Сурхондарёдаги барча мактабларда дарслар анъанавий шаклда давом эттирилади
14:21 / 23.01.2023
Ўзбекистондаги 700 дан ошиқ мактабда 3-чорак онлайн шаклда давом эттирилмоқда
20:33 / 22.01.2023