Қўшимча функционаллар
-
Тунги кўриниш
Аксилкоррупция агентлиги Фирдавс Абдухолиқов атрофидаги манфаатлар тўқнашувини ўрганмоқда
Кинематография агентлиги “Sevimli” телеканалига давлат буюртмаларини бериб келгани, шунингдек, субсидиялар ажратишда манфаатлар тўқнашувига йўл қўйилгани эҳтимоли бўйича Коррупцияга қарши курашиш агентлиги текширув бошлаган.
Фото: Kun.uz
Ўрганиш якунлари бўйича қўшимча ахборот берилади, дея Kun.uz'га маълум қилди агентлик директорининг матбуот котиби Дурдона Очилова.
Эслатиб ўтамиз, аввалроқ “Sevimli” телеканалидаги “Сабрия” миллий сериалида беҳаё саҳналар эфирга узатилгани ва бу танқидларга сабаб бўлгани ортидан телеканал бош директори ва бош муҳаррири ишдан олинган эди.
Кейинроқ, масаланинг бошқа жиҳати “Sevimli” телеканалининг эгалари – Кинематография агентлиги бош директори Фирдавс Абдухолиқовнинг ўғли, қизи ва рафиқаси экани аён бўлди. Бу телеканалнинг камида учта миллий сериалида давлат буюртмачиси – айни Кинематография агентлиги.
Шунингдек, кеча Абдухолиқовнинг оила аъзоларидан иборат телеканал таъсисчилари уни телеканал Кузатув кенгашига раҳбар этиб тайинлаган. Бу эса манфаатлар тўқнашувига оид янги саволларни уйғотади, чунки миллий сериаллар учун хусусий телеканалларга бюджетдан бериладиган миллиардлаб субсидияларнинг тақсимловчиси – айнан Кинематография агентлигидир.
Мавзуга оид
16:21 / 12.11.2024
1,5 мингга яқин бошқарув ходими қонунга зид тарзда тадбиркорлик қилаётгани аниқланди
15:33 / 17.08.2024
Сериал учун рухсат олиб бериш эвазига 20 минг доллар олган шахс ушланди
13:04 / 10.06.2024
Ҳокимлардан тортиб ҳарбийларгача: “Манфаатлар тўқнашуви тўғрисида”ги қонун кимларга таъсир қилади?
14:59 / 08.06.2024