Қўшимча функционаллар
-
Тунги кўриниш
Синоптиклар Ўзбекистонда феврал ойида об-ҳаво қандай бўлиши тўғрисида маълумот берди
Кўп йиллик давр учун ўртача маълумотларга кўра, феврал ойининг ўрталаригача Ўзбекистонда қиш ўз ўрнини сақлаб туради, вақти-вақти билан иссиқ ва совуқ кунларни алмашади, ой охирига келиб эса баҳор келади.
Фото: Kun.uz
“Ўзгидромет” хабарига кўра, Ўзбекистонда сўнгги йилларда энг совуқ феврал ойи 2014 йилда кузатилган, ойнинг ўртача ҳарорати меъёрдан 5-7 даражага паст, ойнинг биринчи ярмида эса меъёрдан 12-15 даражага паст бўлган. Энг совуқ даврда ҳаво ҳарорати кечалари 14-17 даража совуққача, кундуз кунлари эса 7-10 даража совуққача пасайган. 2014 йилнинг феврал ойида ёғингарчилик кам бўлган, аммо ойнинг биринчи ярмида ёғингарчилик фақат қор кўринишида ёғган.
Қайд этилишича, 2022 йилнинг феврал ойи нисбатан илиқ об-ҳаво билан бошланади. Ойнинг биринчи ўн кунлигида кечалари ҳарорат 0-5 даража илиқ, баъзи жойларда 2 даража совуқ атрофида бўлади, кундуз кунлари ҳарорат 6-8 даража илиқдан 12-14 даража илиққача ўзгариб туради.
5 февралда шимолда, 6 февралда Ўзбекистоннинг қолган ҳудудларида асосан ёмғир кўринишидаги ёғингарчилик бўлади. Республика бўйича баъзи жойларда биринчи ўн кунликнинг энг охирида ҳам бироз ёғингарчилик бўлиши мумкин.
Кейинчалик, «Ўзгидромет»нинг дастлабки баҳосига кўра, ҳаво ҳарорати кечалари 0-5 даража илиқдан 0-5 даража совуққача, шимолда 8-13 даража совуққача, кундуз кунлари 3-8 даража илиқдан 10-15 даража илиққача ўзгариб туради. Ҳудудларнинг катта қисмида ёмғир ва қор кўринишидаги ёғингарчилик меъёрдан кам бўлиши кутилмоқда.
