Қўшимча функционаллар
-
Тунги кўриниш
Навоийда хўрозбозлар қўлга олинди
Хатирчи туманида хўроз уриштириладиган яширин “арена” аниқланди. Бу ерда хўрозлар жанги ишқибозлари йиғилиб, қимор ва таваккалчиликка асосланган ўйин ташкил этилган.
Фото: Видеодан кадр
Навоий вилояти ИИБ ахборот хизматининг хабар беришича, Хатирчи туманининг Дамариқ маҳалласида яшовчи 35 ёшли А.И. ўз хонадонида хўроз жанги майдонини ташкил этган. Мазкур “махсус арена”да 100 нафардан ортиқ хўроз жанги ишқибозлари тўпланган ҳамда 10 минг сўмдан қимор ва таваккалчиликка асосланган ўйин ташкил қилинган.
Вилоят ИИБ ЖҚБ уюшган жиноятчилик ва қурол билан қонунга хилоф равишда муомала қилишга қарши курашиш бўлими ходимлари томонидан ўтказилган тезкор тадбир давомида 17 нафар фуқаро ўзларининг жангари хўрозлари билан иштирок этаётган пайтда қўлга олинган. Айни пайтда ўйинда иштирок этган фуқаролар шахсига аниқлик киритилиб, суриштирув ишлари олиб борилмоқда.
Олдинроқ Ургут шаҳрида ҳам шу каби хўроз уриштириладиган яширин “арена” фош этилганди.
Мавзуга оид
14:48 / 18.12.2024
Навоийда 33 ёшли эркак ўлдирилиб, Зарафшон дарёсига ташлаб юборилди
10:49 / 15.12.2024
Андижон ва Навоийда ноқонуний ер сотмоқчи бўлган шахслар ушланди
13:10 / 11.12.2024
Навоийда электромонтёр 12 кишининг номига кредит олиб, онлайн қиморга ютқазиб қўйди
16:26 / 07.12.2024