Гурлан тумани ҳокимининг таҳдидли аудиоёзувига муносабат билдирилди
Хоразм вилояти, Гурлан тумани ҳокими Муроджон Ачиловнинг кооперативларга уюшиш истагида бўлган фермерларга «статялар» билан таҳдид қилгани ҳақидаги аудиоёзувга ҳокимлик томонидан муносабат билдирилди.
«Туман ҳокимлигида бўлиб ўтган йиғилишда туман ҳокими фермерларнинг 2022 йил пахта ҳосили учун туманда фаолият кўрсатаётган кластер билан шартнома тузиб ишлашнинг афзалликлари, бунинг туман иқтисодиётини ривожлантиришга қўшадиган катта ҳиссаси тўғрисида тушунтиришлар берган. Шунингдек, ҳозирги кунда туманда пахтачилик билан шуғулланадиган кооперациянинг йўқлиги ҳамда уни янгидан ташкил қилиш учун анча вақт ва катта сармоя талаб этилишини ҳисобга олиб, ҳозирги кунда кластер билан шартнома тузиб ишлаш мақсадга мувофиқ эканлигини билдирган. Шунинг учун ҳам ҳозирги вақтда кластер билан ишлаш ҳар томонлама манфаатли эканлиги бўйича ўз тавсияларини берган.
Йиғилиш давомида туман ҳокими томонидан фермерлар шартнома тузишга мажбурланмаган, уларнинг шаънига тегадиган бирор-бир сўз ишлатилмаган.
Бу масалани барча томонларнинг манфаатларини кўзлаган ҳолда ижобий ҳал этиш чоралари кўрилмоқда», дейилади муносабатда.
Мавзуга оид
16:06 / 08.08.2024
Хоразм вилоятининг икки туманига янги ҳокимлар тайинланди
15:35 / 14.08.2023
Онаси хорижда вафот этган қиз Ўзбекистонга қайтарилди
10:38 / 25.10.2022
Гурлан туманига янги ҳоким тайинланди
21:30 / 11.06.2022