Билл Гейтс ҳаводан тоза сув олиш бўйича стартапга сармоя киритди
Гидропанелнинг ташқи кўриниши қуёш батареясини эслатади, фақат у электр ўрнига сув ишлаб чиқаради.
Microsoft асосчиси Билл Гейтснинг Breakthrough Energy венчур фонди ҳаводан сув олувчи гидропанеллар ишлаб чиқарадиган Source Global стартапига сармоя киритди, деб хабар берди CNBC.
Стартапга айни пайтгача 150 млн доллар сармоя киритилди. Инвесторлар орасида BlackRock ва Lightsmith компаниялари ҳамда Duke Energy ҳолдинги бор.
Source Global бош директори Коди Фризен панелларни 2014 йилда, Аризона университетининг муҳандислик мактабида ишлаб юрган вақтида ихтиро қилган. Бир йилдан кейин эса панелларни ишлаб чиқариш бўйича стартапни йўлга қўйган.
Дастлабки 40та гидропанел 2018 йилда Кенияда ўрнатилган, ҳозирда бу панеллардан 52 мамлакатда фойдаланилмоқда.
Гидропанелнинг ташқи кўриниши қуёш батареясини эслатади, фақат у электр ўрнига сув ишлаб чиқаради. Бита панелнинг нархи 2 минг доллар туради.
Мавзуга оид
13:14 / 18.09.2024
Туркияда сиам эгизаклари 14 соатлик операцияда муваффақиятли ажратиб олинди
23:05 / 27.07.2024
Техника мўъжизаси: Тарихда илк марта юра олмайдиган одам Олимпия машъаласи эстафетасида қатнашди
12:02 / 24.07.2024
Хоразмда ахборот технологияларига ихтисослашган олий билим юрти ташкил этилиши мумкин
11:25 / 24.07.2024