Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 14:39 / 26.07.2022
    17182
    4 дақиқада ўқилади

    Донбассда мактаб ва уйлар, Харкивда театр ўққа тутилди. Уруш суратлари

    25 июл куни Евроиттифоқ Украинага мамлакатни тиклаш учун ярим миллиард евро ажратди. Украина ҳукумати бир неча кун ичида денгиз орқали ғалла экспортини тиклашни мўлжалламоқда. Россия ФХХ украин разведкасининг РФ ҳарбий-ҳаво кучлари самолётларини олиб қочиш бўйича режаси фош этилгани ҳақида хабар берди. Херсон областининг россияпараст ҳукумати тез орада гривнадан воз кечилиб, тўлиқ рублдан фойдаланишга ўтилишини маълум қилди. «Газпром» 27 июлдан Европага «Шимолий оқим — 1» орқали етказиб бериладиган газ ҳажми икки баробар қисқартирилиши ҳақида эълон қилди. 

    Қуйида 25 июл куни Украинанинг турли ҳудудларида олинган суратлар.

    Харкив

    Харкив областидаги фронт чизиғи яқинида россиялик аскарларни ифодаловчи чучела. Област раҳбари Олег Синегубовнинг маълум қилишича, 25 июлга ўтар кечаси россиялик ҳарбийлар Харкивнинг Чугуев шаҳри атрофидаги ҳудудларни С300 зенит-ракета мажмуаси орқали ўққа тутган.
    Evgeniy Maloletka / AP / Scanpix / LETA
    Қутқарувчилар Чугуевда россиялик ҳарбийлар томонидан ўққа тутилиши оқибатида вайрон бўлган маданият уйи харобаларида ишламоқда. 25 июл тонгида област маъмурияти раҳбари Олег Синегубов харобалар остидан уч киши чиқариб олинганини хабар қилди. Унинг сўзларига кўра, бино ертўласида жами етти киши яширинган бўлган.
    Sergey Kozlov / EPA / Scanpix / LETA
    Чугуевдаги маданият уйи ўққа тутилиши оқибатлари
    Nacho Doce / Reuters / Scanpix / LETA
    Қутқарувчи маданият уйидаги омон қолган театр либосларини олиб чиқишда ёрдамлашмоқда
    Sergey Bobok / AFP / Scanpix / LETA

     Донбасс шимоли

    Краматорскдан 30 километр масофадаги Константиновка шаҳри аҳолиси вакили зарбалардан вайрон бўлган мактаб биноси олдидан ўтмоқда. 26 июл тонгида Украина Бош штаби Украина қуролли кучлари россияликларнинг Краматорск йўналишидаги юришини Спорное посёлкаси ва «Муқаддас тоғлар» миллий табиат боғи ҳудудида тўхтатишгани ҳақида хабар берганди. Фото: Anatolii Stepanov / AFP / Scanpix / LETA
    Бахмутда яшовчи 61 ёшли аёл Россия томони йўллаган зарбалардан кейин уйидаги ҳолатни кўздан кечирмоқда. 26 июл тонгида Украина Бош штаби россиялик ҳарбийлар Бахмут йўналишида Берестовое ва Семигорье қишлоқлари ҳудудларидаги жанглардан кейин ортга чекингани ҳақида хабар берган. Шу билан бирга, РФ қуролли кучлари Покровское томон юриш қилишда давом этмоқда. 
    Metin Aktas / Anadolu Agency / ABACAPRESS / ddp images / Vida Press
    Рубижне шаҳридаги уйлардан бирининг ҳовлисига кўмилган тинч аҳоли вакиллари жасад қолдилари эксгумация жараёни. Умумий қабрдан етти кишининг жасади чиқариб олинган, шундан икки нафари — 11 ва 12 ёшли болалар. Россия ҳарбийлари 2 июлга келиб Луҳанск областидаги Лисичанск шаҳри ва ундан ғарбдаги посёлкаларни эгаллади. Натижада Северодонецк — Лисичанск — Рубижне агломерацияси ҳам, яъни Луҳанск области тўлиғича Россия назоратига ўтди.
    Станислав Красильников / ТАСС
    Рубижнедаги уй ҳовлисида отишма қурбонлари эксгумациядан кейин дафнга тайёрланмоқда
    Станислав Красильников / ТАСС
    Краматорскка олиб борувчи йўл ёқасидаги танкка қарши тўсиқлар ва бетон блоклар. Bulent Kilic / AFP / Scanpix / LETA

     

    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    17:58

    Британия ва Франция Байденни Украина Storm Shadow ракеталаридан фойдаланишига рухсат беришга кўндирмоқчи

    09:00

    Киев: Трамп инаугурациясигача «тинчлик режалари» ҳақидаги гаплар асоссиз

    08:19

    Байден республикачиларни Украинага ёрдам беришга кўндирмоқчи

    21:05 / 10.11.2024

    Фронтдаги вазият: Россия ҳарбийлари Курск областида қарши ҳужумга тайёрланмоқда