“Сбербанк” Ўзбекистон ва Қирғизистонга рублда бепул пул ўтказмаларини йўлга қўйди
Ўзбекистоннинг 5та банки карталарига “Сбербанк” Онлайн иловаси орқали кунига 50 минг рублгача комиссиясиз пул ўтказмаларини амалга ошириш мумкин бўлади. Бунинг ортидан рублнинг сўмга нисбатан босими янада ортиши мумкинлиги айтилмоқда.
“Сбербанк” банк карталаридан Ўзбекистон ва Қирғизистонга рублдаги бепул пул ўтказмаларини йўлга қўймоқда.
Қайд этилишича, 0 фоизлик комиссия “Сбербанк” Онлaйн иловасида амалга ошириладиган пул ўтказмалари учун қўлланилади. Комиссиясиз пул ўтказмаларининг кунлик чегараси Қирғизистонга 150 минг рублгача, Ўзбекистонга эса 50 минг рублгача бўлади.
Бепул ўтказмаларни Ўзбекистоннинг 5та банки карталарига амалга ошириш мумкин:
- Агробанк;
- Универсалбанк;
- Ҳамкорбанк;
- Халқ банки;
- Ориент финанс банк.
Ўз навбатида, Қирғизистоннинг ҳам 5та банки карталарига комиссиясиз ўтказмалар амалга оширилади:
- Бакай Банк;
- ФИНСА Банк;
- МБанк;
- Керемет Банк;
- Банк Компаньон;
- ElCOM ва О! Деньги электрон ҳамёнлари.
Бепул пул ўтказмаларининг ойлик лимити Ўзбекистонга 600 минг рубль, Қирғизистонга эса 1,5 млн рубль этиб белгиланган.
Ушбу амалиёт ортидан рублнинг сўмга нисбатан босими янада ортиши айтилмоқда.
Мавзуга оид
22:08 / 24.08.2024
Гуржистон банклари АҚШ санкцияларидан кейин «Золотая корона» орқали пул ўтказмаларини тўхтатди
23:43 / 20.08.2024
Қирғизистон банклари санкция остидаги Россия банклари билан онлайн ўтказмаларни тўхтатди
15:13 / 25.07.2024
Хориждан Ўзбекистонга пул ўтказмалари 25 фоизга ошди — Нурмуродов
20:38 / 26.04.2024