Репетиторлик нархи бир ойда неча фоизга ошгани маълум бўлди

Репетиторлик нархлари бир ойда ўртача 0,3 фоизга ошган. Бу ҳақда Давлат статистика қўмитаси маълумот берди.

Фото: Kun.uz

Қўмита хабарига кўра, 2022 йил июль ойида репетиторлик нархлари июнь ойига нисбатан яъни бир ойда ўртача 0,3 фоизга ошган.

Репетиторлик нархлари республикада ўртача 0,3 фоизга ошишига Наманган (1,2 фоиз) ва Хоразм (4,4 фоиз) вилоятларидаги нархлар ўзгариши энг юқори даражада таъсир қилди.

Қайд этилишича, репетиторлик нархлари йил бошидан буён ўртача 3,1 фоизга ошгани кузатилган.

Репетиторлик нархлари ўтган йил мос ойига нисбатан, яъни йиллик нисбатда ўртача 9,6 фоизга қимматлашгани кузатилган.

#нарх #репетитор