Тошкентда жуда кўп миқдорда пулларни ўзлаштирган МЧЖ мансабдорларига нисбатан жиноят иши қўзғатилди
Пойтахтда «Rayyona Qutlug‘» номли масъулияти чекланган жамият мансабдорларига жиноят иши очилди.
1991 йилда туғилган Э.Э. ва 1988 йилда туғилган З.Г. 2022 йил 10 январь куни «Rayyona Qutlug‘» номли масъулияти чекланган жамиятни ташкил қилиб, 1 август кунига қадар фаолият олиб борган.
Тошкент шаҳар ИИББ хабарига кўра, улар шу даврда фуқароларга автомашина ҳамда уй-жойларни бошланғич тўловни 10 фоиздан 50 фоизгача миқдорда тўлаб, қолган пулларни 40 иш кунидан 3 йилгача бўлган муддатда бўлиб тўлаш имконини берувчи шартлар асосида олиб бериши мумкинлигини билдирган.
Мижозларни ишонтириш мақсадида улар билан шартнома тузган. Бироқ МЧЖ мансабдор шахслари фуқаролар томонидан бошланғич тўлов сифатида тўланган пулларни, дастлабки маълумотга кўра - 2 000 000 000 (икки миллиард) сўмдан ортиқ миқдордаги пулларни ноқонуний равишда ўзлаштирган.
Мазкур ҳолат юзасидан Миробод тумани ИИО ФМБ ҳузуридаги Тергов бўлими томонидан Жиноят кодекси 167-моддаси (“Ўзлаштириш ёки растрата йўли билан талон-тарож қилиш”) аломатлари билан жиноят иши қўзғатилган. Тергов ҳаракатлари олиб борилмоқда.
Мавзуга оид
19:11 / 22.04.2024
Telegram аккаунтларини ўғирлашнинг янги усули аниқланди
14:01 / 19.04.2024
Савдо-саноат палатаси Навоий вилояти бошқармаси бошлиғи фирибгарлик ва пора беришда гумонланмоқда
15:19 / 11.04.2024
Андижонда 42 млрд сўмлик йўл лойиҳасини олиб беришни ваъда қилган шахслар қўлга олинди
19:21 / 09.04.2024