«Апелсинлар қироли» деб ном олган бразилиялик миллиардер вафот этди
2010 йилларда дунёдаги ҳар учинчи стакан апелсин шарбати Кутраленинг компаниясига қарашли заводда тайёрланган.
Cutrale апелсин шарбатлари ишлаб чиқарувчи компанияси ортидан «апелсинлар қироли» деб ном олган бразилиялик миллиардер Хосе Луис Кутрале 75 ёшида вафот этди, деб хабар берди O Globo. Миллиардер Лондонда вафот этган.
Forbes Real-Time маълумотларига кўра, унинг бойлиги 1,9 млрд долларни ташкил этган.
Келиб чиқиши италян бўлган Кутрале Сан-Паулуда туғилган ва болалигидан отаси билан бозорга чиққан. Кейинчалик уларнинг оиласи апелсин етиштиришни бошлаган ва 1967 йилда Cutrale компаниясини ташкил этган. Уларнинг апелсин шарбати ишлаб чиқарувчи заводи дунёдаги энг йирик корхоналардан бирига айланган.
Folha de S.Paulo газетасининг ёзишича, 2010 йилларда дунёдаги ҳар учинчи стакан апелсин шарбати ушбу заводда тайёрланган.
Ҳозирда Cutrale еттита бўлинмадан иборат. Ҳосил йиғиш вақтида компанияда 18 мингга яқин киши меҳнат қилади.
Мавзуга оид
23:08 / 21.09.2024
Бразилиядаги қурғоқчилик ва ўрмон ёнғинлари бутун дунёда қаҳва нархининг ошишига олиб келмоқда
15:10 / 21.09.2024
Бразилияда X ижтимоий тармоғи деярли 1 млн доллар жаримага тортилди
13:10 / 21.09.2024
X ижтимоий тармоғи Бразилиядаги юридик вакилини тайинлади
20:51 / 14.09.2024