Ўзбекистон ва Қирғизистон президентлари темирйўл ва Қамбарота-1 ГЭС қурилишини муҳокама қилди
Ўзбекистон президенти Шавкат Мирзиёев 15 сентябр куни ШҲТ саммитида иштирок этиш учун амалий ташриф билан мамлакатда бўлиб турган Қирғизистон президенти Садир Жапаров билан учрашув ўтказди.
Қирғизистон раҳбари мамлакат етакчисига меҳмондўстлик учун миннатдорлик билдириб, Самарқандда амалга оширилган бунёдкорлик ишларини қайд этди.
Президентлар стратегик шериклик тамойилларига асосланган сермаҳсул икки томонлама ҳамкорлик ижобий суръат билан ривожланиб бораётганини таъкидлади. Ўзаро савдо жадал ўсиб бормоқда, йил бошидан унинг ҳажми 30 фоизга ошди.
Саноат, энергетика, қишлоқ ва сув хўжалиги, транспорт соҳаларида қўшма кооперация лойиҳалари амалга оширилмоқда. Ҳудудлараро ва маданий-гуманитар алмашинувлар кенгаймоқда.
Бутун Марказий Осиё минтақаси ривожига хизмат қиладиган “Хитой-Қирғизистон-Ўзбекистон” темирйўли ва Қамбарота-1 ГЭС қурилишини тез фурсатда бошлаш муҳимлигига алоҳида эътибор қаратилди.
Бўлажак олий даражадаги мулоқотлар режаси ҳамда минтақавий ва халқаро аҳамиятга молик долзарб масалалар юзасидан фикр алмашилди.
Мавзуга оид
19:03 / 14.09.2024
Қирғизистон президенти дам олиш масканини чиқиндилардан тозалади
13:47 / 11.09.2024
Қирғизистон президенти ўзбекистонлик бокс мураббийи Акмал Ҳасановга автомобил совға қилди
18:31 / 09.09.2024
Қирғизистонда давлат хизматчиларининг маошини оширишга мораторий жорий қилинди
19:09 / 31.08.2024