Паралимпия спорт турлари бўйича мутахассисларни қайта тайёрлаш тартиби тасдиқланди

Низом билан паралимпия спорт турлари бўйича мутахассисларни қайта тайёрлаш ва малакасини ошириш тартиби белгиланди. Паралимпия спорт турлари бўйича мутахассислар тўрт йилда камида бир марта малака оширишлари шарт.

Мутахассислар касбий билими, кўникмаси ва маҳоратини ошириш, замон талабларига мувофиқ таълим сифатини таъминлаш учун зарур даражада касбий тайёргарлигини ривожлантириш паралимпия спорт турлари бўйича мутахассисларни илмий-методик таъминлаш, қайта тайёрлаш ва малакасини ошириш асосий вазифаларидан бири ҳисобланади.

Мутахассисларни қайта тайёрлаш қуйидаги шаклларда амалга оширилади: педагогик қайта тайёрлаш; касбий қайта тайёрлаш; махсус ўқув курсларда ўқитиш.

Мутахассислар малакасини ошириш қуйидаги шаклларда амалга оширилади: тўғридан тўғри малака ошириш (таълим дастурлари бўйича ўқитиш); илмий-тадқиқот муассасасида тажриба орттириш; хорижда тажриба орттириш; мустақил ўқиб билим орттириш; масофавий таълим.

Тингловчилар қайта тайёрлаш ва махсус ўқув курслари таълим дастурларини ўзлаштириб бўлгандан сўнг институт томонидан аттестациядан ўтказилади.