Ўзбекистон мактабларида инглиз тилини ўргатиш бўйича Ҳиндистон тажрибаси жорий этилиши мумкин
Ўзбекистоннинг Деҳлидаги элчихонаси кўмагида Халқ таълими вазирлиги ва Ҳиндистоннинг CfBT Education Service компанияси вакиллари ўртасида онлайн-музокаралар ўтказилди, деб хабар қилмоқда “Дунё”.
Мулоқотда Ўзбекистон халқ таълими вазири биринчи ўринбосари Усмон Шарифхўжаев, мамлакат элчиси Дилшод Аҳадов, CfBT Education Service компанияси директори Гудивака Прасад, бошқа масъул ходимлар иштирок этди.
Музокараларда таълим йўналишидаги ҳамкорлик имкониятлари, мактабларда инглиз тилини ўргатиш самарадорлигини ошириш бўйича илғор тажрибани жорий этиш масалалари муҳокама қилинди.
CfBT Education Service ташкилоти раҳбари Ўзбекистон ёшлари орасида хорижий тилларни тарғиб этиш ва ўқитишга қаратилган эътиборни юқори баҳолаб, бу борада амалий ҳамкорликка ҳисса қўшишга тайёрлигини билдирди.
Инглиз тилидаги замонавий дарсликлар ҳолати, уларга бўлган талаб ва инглиз тили ўқитувчилари малакасини ошириш ташкилий жиҳатлари бўйича фикр алмашилди.
Мавзуга оид
09:50 / 21.09.2024
Ҳиндистон Ўзбекистонда электромобиллар учун аккумуляторлар ишлаб чиқариши мумкин
17:32 / 20.09.2024
Россия армиясига алдов йўли билан жалб қилинган ва урушга юборилган ўнлаб ҳиндистонликлар ватанига қайтди
22:24 / 19.09.2024
Samsung’нинг Ҳиндистондаги заводи ходимлари иш ташлаш эълон қилди
01:33 / 14.09.2024