Financial Times Володимир Зеленскийни «Йил одами» деб эълон қилди

Нашр муҳаррирларининг таъкидлашича, 44 ёшли раҳбар етакчилик фазилатлари ва матонатининг ажойиб намоён бўлиши туфайли тарихга кирди. 

Журналистларнинг таъкидлашича, собиқ комедия йўналишидаги актёр Россиянинг Украинага бостириб киришининг «мутлақ ёвузлиги»га қарамай, ҳазил учун вақт топяпти. 

У Украина халқининг Россия агрессиясига қарши курашдаги жасорати ва матонатининг тимсолига айланди, дейилади баёнотда.

Бундан олдин Украина президенти Володимир Зеленский мамлакат халқига навбатдаги кунлик видеомурожаат билан чиқиш қилганди.

Сиёсатчи Россия совуқ ва қийинчиликни «террорининг бир қисми» қилиб, Украинага қарши қишнинг хусусиятларидан фойдаланиши ва украиналиклар яқин ойларда бунга қарши туриш учун янада кўпроқ бирдамлик кўрсатиши кераклигини айтди.

Володимир Зеленский фуқароларни бир-бирига ёрдам беришга, низо ва жанжаллардан қочишга чақирди. 

Шу билан бирга, у қишни «имтиҳон сифатида эмас, балки вақт – бизни асосий нарса – ғалабага яқинлаштирадиган жиҳат» сифатида қабул қилишни маслаҳат берди. 

Бутун Украина ягона «Бузилмас нуқта»га айланиши керак, дея қўшимча қилди давлат раҳбари.