«Туябўғиз» сув омбори қоровули кўмир исидан заҳарланди
Тошкент вилоятида сув омбори қоровули кўмир исидан заҳарланди. У омон қолган.
Тошкент вилояти Ўрта Чирчиқ туманидаги сув омбори қоровули кўмир исидан заҳарланди. Бу ҳақда Фавқулодда вазиятлар вазирлиги ахборот хизмати хабар берди.
Маълум қилинишича, 5 декабр куни соат 10:15 да Тошкент вилояти Фавқулодда вазиятлар бошқармасига Ўрта Чирчиқ туманидаги «Туябўғиз» сув омборида балиқ етиштиришга ихтисослашган хўжаликда қоровул бўлиб ишловчи 27 ёшли фуқаро кўмир исидан заҳарланиб, соғлиғи ёмонлашгани ва унга зудлик билан ёрдам кераклиги тўғрисида хабар келиб тушган.
Зудлик билан айтилган манзилга ФВВ қутқарувчилари етиб борган. Улар фуқарони хавфсиз жойга олиб чиққан ва биринчи тиббий ёрдам кўрсатган. Шундан сўнг малакали тиббий ёрдам кўрсатиш учун шифохонага юборилган. Ҳозирда фуқаронинг аҳволи яхши ва у ўз уйида.
Мавзуга оид
13:14 / 12.09.2024
Тошкент вилоятидан яна 14 та маҳалла қисман Янги Тошкент ҳудудига ўтказилмоқда
11:45 / 12.09.2024
Алиментда рекорд: аёл 3 нафар фарзанди таъминоти учун собиқ эрига 1,7 млрд сўм тўлади
15:48 / 10.09.2024
Тошкент вилоятидаги бўёқ заводида ёнғин чиқди
10:36 / 06.09.2024