Ўзбекистонда эгизак чақалоқлар туғилиши сони кўпайди

2022 йил январь-ноябрь ойларида республикада 18 230 нафар эгизак туғилиши ҳолати қайд этилган. 
 
Давлат статистика қўмитаси маълумотларига кўра, бу ўтган йил мос даврига нисбатан 1 408 тага кўп.  

10 ойда ҳудудлар бўйича туғилган эгизаклар сони энг кўп Самарқанд вилоятида қайд этилди – 2122 нафар.

Ундан кейинги ўринлардан мос равишда 1888 нафар ҳамда 1717 нафар эгизаклар дунёга келган Қашқадарё вилояти ва Фарғона вилояти жой олди.

Ушбу кўрсаткич қолган ҳудудлар кесимида қуйидагича кўринишга эга бўлди:

• Андижон вилояти – 1676 нафар; 
• Наманган вилояти – 1648 нафар; 
• Тошкент шаҳри – 1616 нафар; 
• Сурхондарё вилояти – 1546 нафар; 
• Тошкент вилояти – 1431 нафар; 
• Бухоро вилояти – 954 нафар; 
• Хоразм вилояти – 899 нафар; 
• Қорақалпоғистон Р. – 888 нафар; 
• Жиззах вилояти – 777 нафар; 
• Навоий вилояти – 579 нафар; 
• Сирдарё вилояти – 489 нафар.