Фарғона ва Инчхон ўртасида биродарлашган ҳудудлар келишуви имзоланди
Кореянинг Инчхон шаҳри ҳокимининг барқарор ривожланиш ҳамда сиёсий масалалар бўйича ўринбосари Хэн Сук Ли бошчилигидаги делегация Фарғона вилоятига ташриф буюрди.
Инчхон шаҳри делегацияси вилоят ҳокими томонидан қабул қилинди. Учрашувда Фарғона вилояти билан Инчхон шаҳри ўртасида иқтисодий-инвестицион алоқаларни ҳамда ижтимоий, маданий бошқа қатор соҳаларда самарали ҳамкорликни ривожлантириш масаласи муҳокама қилинди.
Иқтисодиёти ва саноати ўта ривожланган, халқаро бизнес марказларидан бири бўлган Инчхон шаҳри билан Фарғона вилояти ўртасида ҳудудлараро ҳамкорликни кўп томонлама ривожлантиришга келишиб олинди.
Жанубий Кореянинг энг йирик аэропорти жойлашган Инчхондан Фарғона шаҳрига тўғридан тўғри авиақатновлар йўлга қўйиш масаласини тезлаштириш бўйича фикр алмашилди. Хэн Сук Ли Фарғона вилояти делегациясини Инчхонга таклиф қилди.
Учрашув якунида Фарғона вилояти ва Инчхон шаҳри ўртасида савдо, инвестиция, фан, таълим, маданият, санъат, спорт, туризм ва бошқа йўналишлар бўйича кенг кўламли ҳамкорликни кўзда тутган биродарлашган ҳудудлар келишуви имзоланди.
Мавзуга оид
17:44 / 29.09.2024
Фарғонада газдан ноқонуний фойдаланиб давлатга 5.5 млрд зарар етказган шахслар ушланди
10:41 / 28.09.2024
Фарғонада бетоб қизнинг номидан саҳифа очиб пул йиғиб, ўзлаштирган шахс ушланди
13:35 / 21.09.2024
Фарғонада дори воситаларини қалбакилаштираётган яширин цехлар аниқланди
07:06 / 05.09.2024