Боррел: Россиянинг ҳарбий жиноятлари жазосиз қолмайди

Европа Иттифоқи вакили ҳужумни «маъносиз» деб атади ва у «инфратузилма ва тиббиёт муассасаларини ўзбошимчалик билан вайрон қилиш, тинч аҳолини атайлаб нишонга олиш ва уларни ўлдириш»га олиб келаётганини билдирди. 

«Россиянинг ҳарбий жиноятлари жазосиз қолмайди. Бизнинг Украинани қўллаб-қувватлашимиз тўхтовсиз давом этади», деб ёзди Европа Иттифоқи дипломатияси раҳбари Twitter'да.

Бундан олдин Украина президенти Владимир Зеленский «Оммавий ахборот воситалари тўғрисида»ги қонунни имзолади, у Украинадаги медиа-ресурслар фаолиятининг ҳуқуқий асосларини, шунингдек, ушбу соҳада давлат бошқаруви, тартибга солиш ва назорат қилиш асосларини белгилайди. 

Ҳужжат Украина оммавий ахборот воситалари фаолиятини ягона тартибга солувчи органга айланадиган Телевидение ва радиоэшиттириш миллий кенгашининг ваколатларини кенгайтиради. 

Қонуннинг бир қатор нормалари ахборотни чеклашга қаратилган. Масалан, Россия ташвиқотини, украин тилини обрўсизлантирадиган, Украинадаги 1917-1991 йиллардаги коммунистик тоталитар тузумнинг «жиноят характерини» инкор этувчи ёки оқлайдиган, гиёҳвандлик ва психотроп моддаларни тарғиб қилувчи маълумотларни тарқатиш тақиқланади.