Сирдарё вилоятида “Док-1 Макс” ва “Амбронол” дорилари етти нафар болага ножўя таъсир қилгани маълум қилинди
Уларнинг тўрт нафари соғайган, уч нафари шифохонанинг жонлантириш бўлимида даволанмоқда.
Сирдарё вилоятида “Док-1 Макс” ва “Амбронол” дорилари етти нафар бемор болага ножўя таъсир қилган. Бу ҳақда вилоят соғлиқни сақлаш бошқармаси бошлиғи ўринбосари Олтиной Эсанова вилоят телевидениесига берган интервьюсида маълум қилган.
Маълум қилинишича, бемор болаларнинг тўрт нафари соғайган, уч нафари шифохонанинг жонлантириш бўлимида даволанмоқда.
Гулистон шаҳар тиббиёт бошқармаси бош шифокори Юсуф Мирхонов эса 3 январ куни ўтказилган брифингда икки нафар бемор бола Республика шошилинч тез тиббий ёрдам илмий маркази Сирдарё филиалида шифокорлар назорати остида даволанаётганини маълум қилганди.
Бемор болаларда юқори ҳарорат, иштаҳасизлик, нафас йўлларининг шамоллаши, пешоб чиқиши ва буйрак билан боғлиқ муаммолар кузатилган.
Қайд этилишича, уларга белгиланган тартибда ёрдам кўрсатилиб, гемодиализ бўлимида гемодиализ муолажалари ўтказилмоқда.
Мавзуга оид
19:22 / 21.09.2024
Тадбиркорларни қуёш панели олишга мажбурлаган Сирдарё ҲЭТК: “Президент қарори нотўғри талқин қилинган”
08:58 / 21.09.2024
Сирдарёда электрдан узилган тадбиркорлар ҳокимият биноси олдига йиғилди
21:19 / 05.09.2024
Учта вилоят чегарасига ўзгартириш киритилмоқда
11:32 / 11.08.2024