Равшан Ҳайдаров - Ўзбекистон билан расмий мусобақаларда 2 марта ғалаба қозонган биринчи мураббий 

Натижада, Равшан Ҳадаров Ўзбекистон билан расмий мусобақаларда 2 марта ғалаба қозонган биринчи мураббий бўлди. У 2018 йилда Хитойда ўтказилган Осиё чемпионатида Ўзбекистон U23 жамоаси билан финалга чиқиб, Вьетнам ёшлар жамоасини қўшимча таймлардан кейин 2:1 ҳисобида мағлуб этган эди. 

Ўзбекистоннинг турли ёшдаги жамоалари билан финалга чиққан барча мураббийлар ва уларнинг натижалари: 

1. Рустам Акрамов – 1994 йили Япониянинг Хиросима шаҳрида ўтказилган Осиё ўйинларида Ўзбекистон миллий жамоаси билан финалга чиқиб, Хитойни 4:2 ҳисобида мағлуб этган. 

2. Аҳмаджон Убайдуллаев – 2008 йилда Саудия Арабистонида ўтказилган Осиё чемпионатида Ўзбекистон U19 жамоаси билан финалга чиқиб, БАА ёшлар жамоасига 1:2 ҳисобида ютқазган. 

3. Алексей Евстафеев - 2010 йилда Тошкентда ўтказилган Осиё чемпионатида Ўзбекистон U16 жамоаси билан финалга чиқиб, КХДР ўсмирлар жамоасига 0:2 ҳисобида ютқазган. 

4. Дилшод Нуралиев - 2012 йилда Эронда ўтказилган Осиё чемпионатида Ўзбекистон U16 жамоаси билан финалга чиқиб, Япония ўсмирлар жамоасини пенальтилар сериясида 3:1 ҳисобида мағлуб этган (асосий вақт 1:1). 

5. Равшан Ҳайдаров - 2018 йилда Хитойда ўтказилган Осиё чемпионатида Ўзбекистон U23 жамоаси билан финалга чиқиб, Вьетнам ёшлар жамоасини қўшимча таймлардан кейин 2:1 ҳисобида мағлуб этган. 

6. Темур Кападзе - 2022 йилда Ўзбекистонда ўтказилаётган Осиё чемпионатида Ўзбекистон U23 жамоаси билан финалга чиқди. Ҳал қилувчи баҳсда Саудия Арабистони ёшлар жамоасига 0:2 ҳисобида ютқазди. 

7. Равшан Ҳайдаров - 2023 йилда Ўзбекистонда ўтказилган Осиё чемпионатида Ўзбекистон U20 жамоаси билан финалга чиқиб, Ироқ ўсмирлар жамоасини 1:0 ҳисобида мағлуб этди.