АҚШ Украинага 1,2 млрд долларлик янги ҳарбий ёрдам пакетини эълон қилди
АҚШ мудофаа вазирлиги Украинага 1,2 миллиард доллар миқдоридаги янги ҳарбий ёрдам пакетини юбормоқда. Бу ҳақда идора сайтида расман хабар берилди.
Янги пакет доирасида Украина қуролли кучлари учун қуйидагилар етказиб берилади:
- Қўшимча ҳаво ҳужумидан мудофаа қуроллари ва ўқ-дорилар;
- Ғарб ҳаво ҳужумидан мудофаа тизимларини интеграция қилиш учун асбоб-ускуналар;
- Учувчисиз авиация тизимларига қарши курашиш учун ўқ-дорилар;
- 155-миллиметрли артиллерия снарядлари;
- Сунъий йўлдош тасвирлари хизматлари;
- Ўқитиш ва техник хизмат кўрсатишни қўллаб-қувватлаш.
Пентагон баёнотида қайд этилишича, бу ёрдам пакети «Украина хавфсизлигига кўмаклашиш ташаббуси» доирасида тақдим этилади. Бу шуни англатадики, қурол ва ўқ-дорилар АҚШ мудофаа вазирлиги захираларидан олинмайди, балки ишлаб чиқарувчилар ёки ҳамкорлардан харид қилинади.
2023 йил апрелида АҚШ икки бор Украинага ҳарбий ёрдам пакетлари ҳақида эълон қилганди — 2,6 миллиард ва 325 миллион долларлик. Бу пакетлар, хусусан, Patriot ва NASAMS ҳаво ҳужумидан мудофаа тизимлари учун ракеталар, ҳаво ҳужумидан мудофаа тизимлари, HIMARS учун қўшимча ўқ-дорилар, артиллерия снарядлари, АТ-4 танкка қарши тизимлари, танкка қарши миналарни ўз ичига олганди.
Мавзуга оид
08:10 / 30.09.2024
Украина Россиядаги ракета арсеналига муваффақиятли зарба берганини эълон қилди
18:01 / 29.09.2024
Фронтдаги вазият: Россия армияси Украинанинг муҳим қалъаси — Вуҳледарни деярли тўлиқ қуршаб олди
13:31 / 29.09.2024
Путин Россиянинг ядро доктринасини ўзгартирмоқчи. Бу амалда нимани англатади?
22:10 / 28.09.2024