Украина президенти: Биз қарши ҳужумга тайёрмиз
Украина қарши ҳужумга тайёр, дея маълум қилди унинг президенти Володимир Зеленский The Wall Street Journal нашрига берган интервьюсида.
Давлат раҳбари бу операция қанча давом этишини билмаслигини қўшимча қилди.
Бундан ташқари, Киев ўз ҳамкорларидан кўпроқ қурол олишни хоҳлайди, дея таъкидлади Украина раҳбари.
«Биз баъзи нарсаларга эга бўлишни хоҳлаймиз, лекин ойлар давомида кута олмаймиз», деди Зеленский.
Украиналик сапёрлар Украина Қуролли кучларининг қарши ҳужумига тайёргарлик доирасида бир неча ҳафта давомида Россия томонидан босиб олинган ҳудудлар чегарасидаги миналарни олиб ташлаш учун машаққатли меҳнат қилмоқда, деб ёзади Американинг The Washington Post газетаси.
Унинг маълумотларига кўра, украиналик муҳандислар ва сапёрлар баъзи ҳолларда ўз ишлари учун мудофаа истеҳкомларини бузиб ўтишга мўлжалланган янги жиҳозлардан, шу жумладан Германиянинг Leopard 2 танкига асосланган махсус ўзгартирилган транспорт воситаларидан фойдаланяпти.
Мавзуга оид
08:10
Украина Россиядаги ракета арсеналига муваффақиятли зарба берганини эълон қилди
18:01 / 29.09.2024
Фронтдаги вазият: Россия армияси Украинанинг муҳим қалъаси — Вуҳледарни деярли тўлиқ қуршаб олди
13:31 / 29.09.2024
Путин Россиянинг ядро доктринасини ўзгартирмоқчи. Бу амалда нимани англатади?
22:10 / 28.09.2024